हराएकामध्ये अधिकांशको प्रहरीले लगायो पत्ता

भैरहवा, असार ४ — रुपन्देही प्रहरीले हराएका व्यक्तिको खोजी अभियानलाई तीव्र बनाउँदै जेठ महिनामा बेपत्ता भएका १०८ जनामध्ये ६१ जनालाई फेला पारेको जनाएको छ।

फेला परेकामध्ये बालबालिका, महिला र पुरुष रहेका छन्। उनीहरूलाई आवश्यक प्रक्रिया पूरा गरी परिवारको सम्पर्कमा ल्याइएको प्रहरीले जानकारी दिएको छ।

• 

यसका साथै अघिल्ला महिनादेखि खोजी सूचीमा रहेका थप नौ जनालाई पनि सुरक्षित रूपमा भेट्टाएर आफन्तको जिम्मा लगाइएको छ। प्रहरीले हराएका व्यक्तिको खोजी कार्यलाई निरन्तरता दिइरहेको जनाएको छ।