एमाले महाधिवेशन सम्पन्न : अध्यक्ष ओलीले व्यक्त गरे कृतज्ञता

काठमाडौँ — नेपाल कम्युनिष्ट पार्टी एमालेको ११औँ राष्ट्रिय महाधिवेशन सफलतापूर्वक सम्पन्न भएपछि नवनिर्वाचित अध्यक्ष केपी शर्मा ओलीले महाधिवेशनमा सहभागी सबैप्रति आभार व्यक्त गरेका छन्।

अध्यक्ष ओलीले महाधिवेशन पार्टीको सामूहिक उपलब्धि भएको उल्लेख गर्दै यस प्रक्रियामा कसैको हार–जित नभई सबैको साझा विजय भएको बताएका छन्। उनका अनुसार महाधिवेशनले पार्टीलाई अझ संगठित, अनुशासित र जिम्मेवार दिशामा अघि बढ्न प्रेरित गरेको छ।

• 

• 

महाधिवेशनमा देखिएको व्यापक सहभागिता र उत्साहलाई उनले ऐतिहासिक संज्ञा दिँदै प्रतिनिधि, नेता, कार्यकर्ता तथा शुभेच्छुकहरूको भूमिकाको खुलेर प्रशंसा गरे। “पार्टीलाई यहाँसम्म ल्याउन योगदान गर्ने सबैप्रति हार्दिक धन्यवाद र बधाई,” उनले भने।

अध्यक्ष ओलीले आगामी दिनमा पार्टी जनताको चाहना र अपेक्षाअनुसार अघि बढ्ने प्रतिबद्धता पनि व्यक्त गरेका छन्।