दाक्सु मिडिया
काठमाडौं । नेकपा एमालेको प्रथम विधान महाधिवेशन सम्पन्न भएको छ । शुक्रवारबाट शुरू भएको महाधिवेशन शुक्रबार अध्यक्ष केपी शर्मा ओलीले पेश गरेको राजनीतिक प्रतिवेदन, महासचिव ईश्वर पोखरेलले पेश गरेको संगठनात्मक प्रस्ताव र उपमहासचिव तथा संगठन विभाग प्रमुख विष्णुप्रसाद पौडेलले पेश गरेको विधान संशोधन प्रस्ताव पास गर्दै सम्पन्न भएको हो ।
उक्त महाधिवेशनले आफ्नो दशौं महाधिवेशन बुटवलमा गर्ने घोषणा गरेको छ ।
आइतबार प्रथम विधान महाधिवेशनको समापन सम्बोधन गर्दै अध्यक्ष केपी शर्मा ओलीले बुटवलमा महाधिवेशन गर्ने घोषणा गरेका हुन्।
‘महाधिवेशन बुटवलमा गर्नेछौं अत्यन्तै भव्यताका साथ!’, उनले भने । समापनमा अध्यक्ष केपी शर्मा ओलीले ‘एमाले एकता अमर रहोस्, अमर सहिद लाल सलाम, नेकपा एमाले जिन्दावाद’, भन्ने नारा लगाएका थिए ।
यसअघि एमालेले आठौं महाधिवेशन पनि बुटवलमै गरेको थियो। एमालेको दशौं महाधिवेशन आगामी मंसिर १०, ११ र १२ गते गर्ने निर्णय भएको छ।
महाधिवेशनमा देशभरबाट ६ हजारभन्दा बढी प्रतिनिधि सहभागी थिए । समापन कार्यक्रमलाई सम्बोधन गर्दै अध्यक्ष ओलीले सहभागी प्रतिनिधिहरूलाई धन्यवाद दिँदै अत्यन्तै सफलतापूर्वक र सानदार ढंगले महाधिवेशन सम्पन्न भएकोमा खुसी व्यक्त गरे ।
थप समाचारहरु
एमाले विधान महाधिवेशन: ओलीद्वारा राजनीतिक प्रतिवेदन प्रस्तुत
एमाले विधान महाधिवेशनका लागि यस्तो बन्यो अध्यक्ष मण्डल, उपमहासचिव हटाइयो
ओलीले पानसमा बत्ती बालेर गरे एमालेको विधान महाधिवेशन सुरु
एमालेको विधान महाधिवेशन आजदेखि शुरु हुँदै
जारी एमाले विधान महाधिवेशनमा समूहगत छलफल सकियो
एमाले महाधिवेशन : अध्यक्षको उम्मेदवार बन्ने ईश्वर पोखरेलको घोषणा
तपाईको प्रतिक्रिया दिनुहोस्