बिपी राजमार्ग पुनःनिर्माणका लागि जापानबाट दुई अर्ब ६० करोड अनुदान सहयोग

काठमाडौं : जापान सरकारले बिपी राजमार्गको पुनःनिर्माण र मर्मतका लागि नेपाललाई रु दुई अर्ब ६० करोड बराबरको अनुदान सहयोग प्रदान गरेको छ। अर्थ मन्त्रालयमा आयोजित कार्यक्रममा अर्थ मन्त्रालयका सचिव घनश्याम उपाध्याय र नेपालस्थित जापानी राजदूत तोरु मायदाबीच सम्झौतापत्रमा हस्ताक्षर भएको हो।

१५९ किलोमिटर लम्बाइको बर्दिवास–धुलिखेल खण्डको बिपी राजमार्ग गत वर्षको बाढीपहिरोले क्षतिग्रस्त भएपछि पुनःनिर्माणका लागि यो सहयोग प्राप्त भएको हो।

• 

• 

समारोहमा अर्थमन्त्री रामेश्वरप्रसाद खनालले जापानलाई नेपालको विश्वसनीय विकास साझेदारका रूपमा धन्यवाद दिएका थिए। जापानी राजदूत मायदाले उक्त सहयोगले राजमार्गका क्षतिग्रस्त भाग पुनःस्थापना गर्न सहयोग पुग्ने विश्वास व्यक्त गरे।