दाङमा वडाध्यक्ष, इन्जिनियरसहित ९ जना जुवा खेल्दाखेल्दै पक्राउ

घोराही, दाङ – दाङको घोराही उपमहानगरपालिकामा एक वडाध्यक्ष र इन्जिनियरसहित ९ जना जुवा खेलिरहेको अवस्थामा पक्राउ परेका छन्।

घोराही उपमहानगरपालिका–१८ का वडाध्यक्ष भरतमणि अर्याल र सोही उपमहानगरपालिकाका इन्जिनियर प्रवीण रावतसहितको समूह काठेकोलस्थित एक होटलमा जुवा खेलिरहेको अवस्थामा पक्राउ गरिएको जिल्ला प्रहरी कार्यालय दाङले जनाएको छ।

• 

प्रहरी प्रवक्ता डीएसपी चक्रबहादुर शाहका अनुसार, पक्राउ परेकाहरूको साथबाट ३ लाख ४५ हजार ९१५ रुपैयाँ नगद र तीन गड्डी तास बरामद गरिएको छ।