२ असार, काठमाडौं । मंगलबार साँझ गएको बाढी र पहिरोमा परी सिन्धुपाल्चोकमा ७ जनाले ज्यान गुमाएका छन् ।
प्रमुख जिल्ला अधिकारी अरुण कुमारले सात जनाको मृत्यु भएको पुष्टि भएको जानकारी दिए ।
मंगलबार साँझ मेलम्ची र हेलम्बुमा आएको बाढी–पहिरोले व्यापक क्षति पुर्याएको छ । हेलम्बुमा तीनवटा र मेलम्चीमा एउटा गरी चारवटा पुल बगेका छन् । सडकहरु पनि भत्किएकाले यातायात सम्पर्क विच्छेद भएको छ ।
हिंडेर जान सक्ने स्थिति नभएकाले नेपाली सेनाको हेलिकोप्टर र अन्य निजी हेलिकप्टरलाई परिचालन गर्ने तयारी भइरहेको प्रमुख जिल्ला अधिकारी पोखरेलले बताए ।
मेलम्चीमा पानीको बहाव नघटेको उनले बताए । त्यो बहाव वस्तीतिर पस्यो भने थप क्षति हुन सक्ने भएकाले सतर्कता अपनाइएको उनले बताए ।
फेसबुकबाट तपाईको प्रतिक्रिया