दाक्सु मिडिया
काठमाडौं — नेपाली कांग्रेस ले प्रतिनिधि सभाको समानुपातिक तर्फबाट पठाइने सांसदहरूको नाम आज टुंग्याउने तयारी गरेको छ। पार्टीभित्र बन्दसूचीमा रहेका उम्मेदवारहरूबाट क्लस्टर मिलाएर सबै समूहको प्रतिनिधित्व हुने गरी नाम छनोट गर्ने विषयमा छलफल भइरहेको जनाइएको छ।
पार्टीका महामन्त्री गुरुराज घिमिरे का अनुसार समानुपातिक सूचीमा पठाइने अन्तिम नामहरूबारे अझै सहमति भइसकेको छैन। उनले अहिले नेतृत्व तहबीच क्लस्टर मिलाएर समावेशी प्रतिनिधित्व सुनिश्चित गर्ने गरी नाम टुंग्याउने गृहकार्य भइरहेको बताए।
उनका अनुसार आवश्यक प्रक्रिया पूरा गरी छिट्टै सूची निर्वाचन आयोग मा बुझाउने तयारी भइरहेको छ।
यस पटकको निर्वाचनमा कांग्रेसले प्रत्यक्षतर्फ १८ सिट जितेको छ भने समानुपातिकतर्फ १७ लाख ५९ हजार १७२ मत प्राप्त गरी २० सिट हासिल गरेको छ। पार्टीले ती सिटका लागि बन्दसूचीमा रहेका उम्मेदवारमध्येबाट समावेशी मापदण्ड अनुसार प्रतिनिधि चयन गर्ने तयारी गरिरहेको जनाएको छ।
थप समाचारहरु
विदेशमा रहेका नेपालीलाई समानुपातिक मतदान : सरकारले अध्यादेशमार्फत तयारी तीव्र
रास्वपाबाट समानुपातिक सांसदको उम्मेदवार बन्न ५० हजार तिर्नुपर्ने
निर्वाचनको तयारी तीव्र, दलहरू समानुपातिक बन्द सूचीमा जुट्दै
रास्वपाको समानुपातिक बन्दसूचीमा बालेन टिमबाट गण्डकीका एक्ला प्रतिनिधि बने प्रकाश सपुत
अपांगता भएका व्यक्तिलाई पनि समानुपातिक बन्दसूचीमा समेट्न सर्वोच्चको आदेश
झापाबाट एमालेको समानुपातिक सूचीमा ९ जना
तपाईको प्रतिक्रिया दिनुहोस्