जय ट्रफीका लागि मधेश प्रदेश छनोट

काठमाण्डौँ । नेपाल पुलिस क्लबलाई हराउँदै मधेश प्रदेश जय ट्रफी एलिट कप क्रिकेटका लागि छनोट भएको छ । योसँगै प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष ६ मा रहेर जय ट्रफी खेल्ने ६ वटै टोलीको टुङ्गो लागेको छ ।

त्रिभुवन आर्मी क्लब, सुदूरपश्चिम प्रदेश, एपीएफ क्लब, मधेश प्रदेश, लुम्बिनी प्रदेश र नेपाल पुलिस क्लबले जय ट्रफी खेल्ने भएका हुन् ।

प्रधानमन्त्री कपमा आज लिग चरणको अन्तिम खेलमा मधेशले पुलिसलाई ४ विकेटले हरायो ।

• 

• 

• 

यस्तै जनकपुरमा भएको खेलमा आर्मीले लुम्बिनीलाई १ विकेटले हरायो । लुम्बिनीले दिएको १३९ रनको लक्ष्य आर्मीले २५ ओभर २ बलमा ९ विकेट गुमाएर भेटायो ।

यसअघि जनकपुरमा टस जितेर ब्याटिङ गरेको लुम्बिनीले ३९ ओभर २ बलमा १३८ रन बनाउँदा सबै विकेट गुमायो ।

१० वटा टोली सहभागी प्रधानमन्त्री कपको उपाधिका लागि आउँदो शुक्रवार शीर्ष २ टोली आर्मी र सुदूरपश्चिमबीच प्रतिस्पर्धा हुनेछ । सुदूरपश्चिम पहिलो पटक फाइनलमा पुगेको हो ।