बंगलादेशसँग नेपालको लगातार दोस्रो हार

काठमाण्डौँ । भुटानमा जारी साफ यू-१७ महिला च्याम्पियनसिपमा नेपालले बंगलादेशसँग लगातार दोस्रो हार बेहोरेको छ । योसँगै नेपाल उपाधि होडबाट पनि बाहिरिएको छ ।

थिम्पुस्थित चाङ्लिमिथाङ रंगशालामा बुधबार दिउँसो सम्पन्न खेलमा नेपाल ४-१ गोलअन्तरले पराजित भएको हो ।

पहिलो हाफको ३८औं र ४५औं मिनेटमा बंगलादेशले गोल गरेको थियो भने इन्जुरी समयमा नेपालले गोल फर्काएपछि पहिलो हाफ २-१ को अवस्थामा सकिएको थियो ।

नेपाल पहिलो खेलमा भारतसँग ७-० को फराकिलो अन्तरले पराजित भएको थियो भने दोस्रो खेलमा भुटानलाई २-१ गोलअन्तरले हराउँदा तेस्रो खेलमा बंगलादेशसँग ३-० ले पराजित भएको थियो ।

नेपाल, भारत, बंगलादेश र आयोजक भुटान गरी चार टोली मात्र सहभागी रहेको प्रतियोगितामा सबैभन्दा बढी अंक जोड्ने टोलीले उपाधि जित्ने प्रावधान छ ।

नेपालले यसपछि भारत र भुटानसँग खेल्नेछ ।

थप समाचारहरु

यू-२० साफ महिला च्याम्पियनसिपमा आज नेपाल र श्रीलंकाबीच खेल हुँदै टप इन्ड टी-२० सिरिजमा नेपालको लगातार दोस्रो जित टप एन्ड टी-२० सिरिजमा नेपालको पहिलो जित साफ च्याम्पियनसिप: आज नेपालले बंगलादेशसँग प्रतिस्पर्धा गर्दै टाइगर कप खेलमा लगातार २ खेलमा पराजित हुँदै गण्डकी महिला टिम बाहिरियाे २-० गोलको अन्तरमा चाइनिज ताइपेईविरुद्ध नेपालको दोस्रो जित