दाक्सु मिडिया
काठमाडौं । गत वर्ष भदौ २४ गतेको आन्दोलनका क्रममा आगजनीबाट क्षतिग्रस्त भाटभटेनी सुपरमार्केटको टंगाल शाखा सोमबारदेखि पुनः सञ्चालनमा आएको छ ।
मर्मत तथा पुनर्निर्माण सम्पन्न भएपछि बिहान १० बजेदेखि स्टोर ग्राहकका लागि खुला गरिएको हो । स्टोरको उद्घाटन भाटभटेनीका अध्यक्ष तथा प्रबन्ध निर्देशक मीनबहादुर गुरुङले गरेका हुन् ।
गुरुङका अनुसार आन्दोलनका क्रममा देशभर भाटभटेनीका १२ वटा स्टोरमा क्षति पुगेको थियो । तीमध्ये टंगालसहित १० वटा पुनः सञ्चालनमा आइसकेका छन् भने दमक र हेटौंडा शाखाको पुनर्निर्माण अन्तिम चरणमा छ ।
पुनर्निर्माणका क्रममा आफूले ठूलो चुनौती सामना गरेको बताउँदै गुरुङले ‘खरानीबाट फेरि उठ्ने’ अठोटका साथ अघि बढेको बताए । उनले भाटभटेनीलाई आफ्नो व्यक्तिगत सम्पत्ति मात्र नभई देशको सम्पत्ति भएको उल्लेख गर्दै निजी क्षेत्र र व्यवसायको सुरक्षाका लागि राज्य गम्भीर हुनुपर्ने धारणा राखे ।
टंगाल शाखा खुलेसँगै बिहानैदेखि ग्राहकको भीड लागेको थियो । लामो समय स्टोर बन्द हुँदा दैनिक किनमेलमा समस्या भएको बताउँदै ग्राहकहरूले पुनः सञ्चालनमा आएपछि खुसी लागेको प्रतिक्रिया दिएका छन् ।
भाटभटेनीले टंगाल शाखाबाट ग्राहकलाई आधुनिक सेवा, गुणस्तरीय सामग्री र नियमित अफर उपलब्ध गराउने जनाएको छ।
थप समाचारहरु
मीनबहादुर गुरुङ खरानीबाट उठ्दै, महाराजगञ्ज शाखा पनि सञ्चालनमा
आगलागीबाट जलेको प्रहरी वृत्त बौद्ध पुनर्निर्माणपछि पुनः सञ्चालनमा
तामाकोशी दुर्घटनापछि बन्द भएको अरनिको यातायातको बस १५ दिनपछि पुनः सञ्चालनमा
जेनजी आन्दोलनपछि बन्द हायात होटल पुनर्निर्माणपछि सञ्चालनमा आउने
आजदेखि देशभरका सिनेमा हल पुनः सञ्चालनमा
तुइनखोलामा फेरि ठूलो पहिरो, नारायणगढ–मुग्लिन सडक पुनः अवरुद्ध
तपाईको प्रतिक्रिया दिनुहोस्