प्रतिनिधिसभा विघटनविरुद्धका १६ रिटमा आजदेखि सुनुवाइ सुरु

काठमाडौँ — प्रतिनिधिसभा विघटन र प्रधानमन्त्री नियुक्तिविरुद्ध सर्वोच्च अदालतमा दायर १६ वटा रिट निवेदनमाथि आजदेखि सुनुवाइ सुरु हुँदैछ।
सर्वोच्च अदालतका प्रवक्ता अर्जुनप्रसाद कोइरालाका अनुसार, प्रधानमन्त्रीको नियुक्ति र संसद् विघटन बदर गरी पुनःस्थापना गर्न माग गर्दै दायर रिटमाथि प्रारम्भिक सुनुवाइ हुनेछ।

पूर्वप्रधानन्यायाधीश सुशीला कार्कीलाई प्रधानमन्त्रीमा नियुक्त गर्ने निर्णय र प्रतिनिधिसभा विघटन गैरसंवैधानिक भएको दाबी गर्दै परेका रिटमा राष्ट्रपति रामचन्द्र पौडेलका निर्णय सच्याउन माग गरिएको छ। साथै, पूर्वन्यायाधीशहरू मन्त्री बनेर सरकारमा सहभागी हुनु गलत भएको दाबीसमेत रिटहरूमा गरिएको छ।

• 

• 

सुनुवाइ सर्वोच्च अदालतको मूल भवन छेउको एनेक्स भवनको माथिल्लो तलामा रहेको पुरानो कोठामा सञ्चालन हुनेछ।
संवैधानिक इजलासमा आजका रिटहरूमाथि प्रारम्भिक सुनुवाइपछि जरुरी ठहरिए संवैधानिक प्रश्नका आधारमा थप प्रक्रिया अघि बढाइनेछ।