प्रतिनिधिसभा पुनर्स्थापनाका लागि सर्वोच्चमा रिटको भीड, सभामुखले दलहरूसँग छलफल गर्दै

काठमाडौँ – विघटित प्रतिनिधिसभा पुनर्स्थापनाको माग गर्दै सर्वोच्च अदालतमा नयाँ रिटहरू दायर भइरहेका छन्। मंगलबार प्रधानमन्त्री सुशीला कार्कीको नियुक्ति र प्रतिनिधिसभा विघटन असंवैधानिक भएको भन्दै १० वटा रिट दर्ता भएका थिए।

सभामुख देवराज घिमिरेले पनि दलहरूको आधिकारिक धारणा लिएर रिट लिएर सर्वोच्च जान छलफलका लागि पूर्वसांसदहरू र दलका सचेतकहरूलाई बोलाएका छन्। उनले सबै दलहरूको साझा निर्णयपछि मात्र मुद्दा अघि बढाउने तयारी गरिरहेका छन्।

• 

• 

त्यस्तै, काठमाडौं विश्वविद्यालयका दुई कानुनका विद्यार्थीले समेत प्रतिनिधिसभा पुनर्स्थापनाका लागि रिट दायर गरेका छन्। उनीहरूले प्रधानमन्त्री नियुक्ति र संसद विघटनलाई असंवैधानिक ठहर गर्दै संसद पुनःआह्वानको माग गरेका छन्।