वायुसेवा निगमका समस्या सुधारका लागि अध्ययन समिति गठन

काठमाडौँ : नेपाल वायुसेवा निगममा देखिएका समस्या र सुधारका उपाय अध्ययन गरी एक महिनाभित्र समितिलाई प्रतिवेदन पेस गर्न उपसमिति गठन भएको छ।

बिहीवार सिंहदरबारमा बसेको अन्तर्राष्ट्रिय सम्बन्ध र पर्यटन समितिको बैठकले सांसद शिशिर खनालको संयोजकत्वमा ४ सदस्यीय उपसमिति गठन गरेको हो। उपसमितिमा खनालसहित छिरिङ ल्हामु लामा, योगश गौचन थकाली र सुनिता बराल छन्। समितिका निर्णयहरुबारे जानकारी गराउँदै समिति सभापति राजकिशोर यादवले नेपाल वायुसेवा निगम अध्ययन समितिले एक महिना भित्रमा प्रतिवेदन पेस गर्ने बताए।

समितिलालाई संस्कृति, पर्यटन र नागरिक उड्डयन गरी तीन क्षेत्रकै वृहत्तर विकासका लागि मन्त्रालयको समग्र नीतिगत, संरचनागत र व्यवस्थापकीय सुधार गर्न कार्यान्वयनयोग्य कार्ययोजना यथाशीघ्र निर्माण गरी त्यसको जानकारी समितिलाई गराउन निर्देशन दिएको छ।सभापति यादवले नेपाल नागरिक उड्यन प्राधिकरण (क्यान)बारे पनि अध्ययन गर्न अर्को बैठकबाट उपसमिति बनाएर जाने जानकारी दिए।

थप समाचारहरु

नेपाल वायुसेवा निगममा देखापरेका समस्यालाई अध्ययन गरेर समाधान गरिनेछः मन्त्री तामाङ मह किसानको समस्या अध्ययन गर्न कृषि मन्त्रालयले बनायो समिति निगमका अध्यक्षसहित ५ लाई उड्डयनसम्बन्धी काममा रोक वायुसेवा निगमको लापरबाहीले आन्तरिक उडान पूर्ण रुपमा बन्द अर्थतन्त्र सुधारका लागि नीतिगत र मौद्रिक पहल आफूले गरेको मन्त्री महतको दाबी वायुसेवा निगमले तिर्‍यो असोजसम्मको ५३ करोड किस्ता