दाक्सु मिडिया
काठमाडौं : नेपाली कांग्रेसका महामन्त्री गगन थापाले २०८४ को निर्वाचन जित्ने गरी काम गर्न पार्टीका कार्यकर्ताहरूलाई निर्देशन दिएका छन् ।
काठमाडौंमा मंगलबार आयोजित भ्रातृ संगठन नेपाल लोकतन्त्रवादी आदिवासी जनजाति महासंघको महाधिवेशनमा उनले सरकारतिर ध्यान नदिई २०८४ को निर्वाचन जित्ने गरी काम गर्न पार्टीका कार्यकर्ताहरुलाई निर्देशन दिएका हुन् ।
महामन्त्री थापाले सरकार चलाउने जिम्मा अहिले सरकारमा रहेका दलहरूलाई नै छोडिदिन पनि आग्रह गरे ।
‘यो सरकार जसले चलाइरहेको छ, यसलाई चलाउन दिउँ । एमाले, माओवादी, घण्टी, जो-जोले चलाएका छन्, चलाउन दिऔँ, चलाऊन्,’ उनले भने, ‘सरकारतिर हामी हेर्दै नहेरौँ । र यति राम्रोसँग हामी पार्टी निर्माण गरौँ कि पार्टीलाई स्वच्छ पनि पारौं, बलियो पनि बनाऔँ । तलैबाट पार्टीको एकता पनि गरौँ । हार्दिकता पनि बढाऔँ ।’
‘२०८४ मा कम्तिमा पनि सय सिट जित्ने गरी र ४० प्रतिशत मत ल्याउन सक्ने गरी गयौँ भने यही मिश्रित प्रणालीमा एकल सरकार चलाउने तागत मात्रै होइन, संविधानमा लेखिएका यी कुराहरूलाई सकारात्मक ढंगले कार्यान्वयन गर्न सक्ने त्यो तागत पनि कांग्रेसले राख्छ,’ उनले भने ।
आगामी चुनावमा ४० प्रतिशत मत ल्याउन सक्ने गरी अगाडि बढिए अहिलेकै निर्वाचन प्रणालीमा एकल सरकार चलाउने तागतमात्रै नभएर कांग्रेससँग संविधानमा लेखिएका कुराहरू सकारात्मक ढंगले कार्यान्वयन गर्न सक्ने तागत हुने थापाको भनाइ थियो ।
थप समाचारहरु
जो-जोले चलाएका छन्, चलाउन दिऔँ, अहिले सरकारतिर हेर्दै नहेरौँ : गगन थापा
ओलीले २ वर्षपछि सरकार छोड्नेमा सबैको मनमा संशय छ: गगन थापा
प्रचण्डको चकचकका कारण अहिलेको परिस्थिति आयो : गगन थापा
सामाजिक सञ्जाल विधेयक सच्याएर, संशोधन भएर मात्रै पारित गर्ने कांग्रेस महामन्त्री थापा
कांग्रेसभित्रको फोहोर सफा गर्न आवश्यक छ : महामन्त्री थापा
कांग्रेस–एमाले प्रतिस्पर्धी पार्टी हुन्, सबैकुरा मिल्छन् भन्ने छैन : गगन थापा
तपाईको प्रतिक्रिया दिनुहोस्