एमाले र लोसपा नेताहरूबीच भेटवार्ता- के भयो कुराकानी?

नेकपा एमालेबाट राष्ट्रपति उम्मेदवार रहेका सुवास नेम्वाङसहित नेताहरूले लोकतान्त्रिक समाजवादी पार्टी (लोसपा) का अध्यक्षसहित नेताहरूसँग भेटवार्ता गरेका छन्।

एमाले नेताहरूले राष्ट्रपतिमा नेम्वाङलाई सहयोग गर्न आग्रह गर्दै आज लोसपाका अध्यक्ष महन्थ ठाकुरलगायतसँग कुराकानी गरेका हुन्।

भेटका क्रममा उम्मेदवार नेम्वाङले आफूलाई राष्ट्रपतिमा मतदान गर्न आग्रह गरेका थिए। अध्यक्ष ठाकुरले यसबारे पार्टीको बैठकमा छलफल हुने र निर्णय गर्ने बताएका थिए।

लोसपा नेता राजेन्द्र महतोले लोसपा ८ दलीय गठबन्धनमा सहभागी रहेकाले पार्टीको बैठकबाट नै यसबारेमा निर्णय गर्ने जानकारी एमालेका नेताहरूलाई दिइएको बताए।

एमाले नेता योगेश भट्टराईले भेटवार्ता सकारात्मक रहेको बताए। उनकाअनुसार एमाले उम्मेदवार नेम्वाङ र प्रधानमन्त्री पुष्पकमल दाहालबीच पनि भेटवार्ता र कुराकानी भएको छ।

थप समाचारहरु

प्रचण्ड-नेपाल भेटवार्ता, सरकार सञ्चालन र राजनीतिक सहकार्यबारे कुराकानी माधव नेपाललाई भेट्न पार्टी कार्यालय पुगे एमाले नेताहरु ओलीसँग रावलको वार्ता, के भयो कुराकानी ? एमालेबाट राष्ट्रपति उम्मेदवार सुवास नेम्वाङले अरू दलका नेतालाई भेटेर भोट माग्ने प्रचण्ड र नेपालबीच भेटवार्ता शितल निवासमा राष्ट्रपति र प्रधानमन्त्रीबीच भेटवार्ता