दाक्सु मिडिया
प्रधानमन्त्री पुष्पकमल दाहाल ‘प्रचण्ड’ र सुदूरपश्चिमका मुख्यमन्त्री राजेन्द्र रावलबीच भेटवार्ता भएकाे छ।
प्रधानमन्त्री दाहाल र मुख्यमन्त्री रावलबीच प्रधानमन्त्रीकाे सरकारी निवास बालुवाटारमा सोमबार बिहान भेटवार्ता भएकाे प्रधानमन्त्रीको सचिवालयले जानकारी दिएको छ।
सचिवालयका अनुसार दुवैबीच समसामयिक राजनीतिक विषयमा छलफल भएकाे छ।
सुदूरपश्चिम प्रदेश एमाले संसदीय दलका नेतासमेत रहेका रावल २७ पुसमा मुख्यमन्त्रीमा नियुक्त भएका थिए।
रावल एमालेसहित नेकपा माओवादी केन्द्र, नागरिक उन्मुक्ति पार्टी र राप्रपाको समर्थनमा मुख्यमन्त्रीमा नियुक्त भएका थिए।
तर मुख्यमन्त्री रावलले विश्वासकाे मत जुटाउन भेटघाटलाई तिब्र पारिरहेका छन्।
सुदूरपश्चिममा निर्णायक रहेको नागरिक उन्मुक्ति पार्टीले आफ्ना माग पूरा नगरे विश्वासकाे मत दिन नसकिने अडान राखेपछि रावलकाे दाैडधूप बढाएका हुन्।
उनलाई न्युनतम २७ जना सांसदले विश्वासकाे मत दिनुपर्छ। नागरिक उन्मुक्ति पार्टीले समर्थन नगरेकाे खण्डमा उनले विश्वासकाे मत पाउने सम्भावना छैन।
यसअघिनै रावलले एमाले अध्यक्ष केपीशर्मा ओलीसँग भेटवार्ता गरेका थिए।
थप समाचारहरु
सुदूरपश्चिमका मुख्यमन्त्रीलाई विश्वासको मत नदिने एमालेको निर्णय
देउवा, प्रचण्ड र नेपालवीच बालुवाटारमा भेटवार्ता
मुख्यमन्त्री शाहलाई पूर्वमुख्यमन्त्री रावलको सुझाव– आफ्नै प्रतिबद्धता पूरा गर्नुस्
शितल निवासमा राष्ट्रपति र प्रधानमन्त्रीबीच भेटवार्ता
प्रधानमन्त्री देउवा भेट्न बालुवाटारमा प्रचण्ड र माधव नेपाल
प्रचण्ड र नेपालबीच भेटवार्ता
तपाईको प्रतिक्रिया दिनुहोस्