पाइलट घिमिरेको मोबाइल ट्र्याक गर्दै खोजिँदैछ हराइरहेको तारा एयरको जहाज

पोखराबाट मुस्ताङ उडेको तारा एयरको जहाज सम्पर्कविहीन भएपछि खोजी कार्य जारी राखिएको छ।

मुस्ताङका प्रमुख जिल्ला अधिकारी नेत्रप्रसाद शर्माले सम्पर्कविहीन जहाज खोजीका लागि हेलिकप्टर परिचालन गरिएको बताए।
फिस्टेलको हेलिकप्टरबाट खोजी जारी राखेका छौं। पोखराबाट नेपाली सेनाको हेलिकप्टर पनि मुस्ताङतर्फ आउँदैछ। अहिले मौसम केही सफा भएको छ,’ शर्माले सेतोपाटीसँग भने, ‘पाइलट प्रभाकर घिमिरेको मोबाइलमा फोन गएको हुनाले उक्त मोबाइल ट्र्याक गरेर त्यो लोकेसनमा खोजी गर्दैछौं।’

प्रजिअ शर्माका अनुसार धौलागिरि हिमाल रेन्ज आसपासका क्षेत्रमा खोजी कार्य जारी राखिएको छ।

पोखराबाट जोमसोमका लागि उडेको तारा एयरको जहाज आइतबार बिहानदेखि सम्पर्कविहीन छ।

तारा एयरको ९ एन एइटी जहाज मुस्ताङको आकाशमा पुगिसकेपछि १० बजेर ७ मिनेटमा अन्तिम पटक जोमसोम विमानस्थलको टावरसँग सम्पर्कमा आएको थियो।

जहाज क्याप्टेन प्रभाकर घिमिरेले उडाएका थिए। जहाजमा चालक दलका दुई जना अन्य सदस्य र १९ यात्रु थिए।

थप समाचारहरु

हराइरहेको तारा एयरको जहाजबारे अहिलेसम्म थाहा भएका तथ्य तारा एयरले भन्यो- सम्पर्कविहीन जहाजको खोजी भइरहेको छ तारा एयरको विमान दुर्घटना : १४ जनाको शव भेटियो सुर्खेत उडेको बुद्ध एयरको जहाज नेपालगञ्ज डाइभर्ट दुर्घटनाबाट जोगियो समिट एयरको जहाज, काठमाडौंमा सुरक्षित अवतरण सम्पर्कविहीन तारा एयरको विमान मानापाथी हिमालको फेदीमा रहेको पुष्टि