दाक्सु मिडिया
२०८२ भाद्र ३१
काठमाण्डौँ । भोलि अर्थात असोज १ गते मनाइने विश्वकर्मा पूजाका लागि माटोका मूर्ति बनाउने र बेच्ने काम तीव्र गतिमा भइरहेको छ । शिल्पकारहरूले विभिन्न आकारका मूर्तिहरू तयार पारेर बजारमा बिक्रीका लागि राखेका छन् ।
हिन्दु परम्पराअनुसार, विश्वकर्मा पूजा लाई भगवान् विश्वकर्मा, जो देवताका वास्तुकार मानिन्छन्, लाई समर्पित पर्वका रूपमा मनाइन्छ । यस दिन भक्तजनहरूले आफ्ना औजार, सवारी साधन, कलकारखाना र कार्यस्थलको पूजा गर्छन्। यसो गर्दा काममा सफलता, सुरक्षा र दक्षता प्राप्त हुने विश्वास गरिन्छ ।
यो पर्वले हरेक व्यक्ति र समुदायलाई आफ्नो पेसा, औजार र सीपको महत्त्व सम्झाउने अवसर पनि प्रदान गर्दछ। पूजा सम्पन्न भएपछि, भक्तजनहरूले मूर्तिहरूलाई पवित्र नदी तथा खोलामा विसर्जन गर्ने गर्छन् ।
तपाईको प्रतिक्रिया दिनुहोस्