दाक्सु मिडिया
काठमाडौं — कालीमाटीस्थित तरकारी बजारले आजका लागि कृषिउपजको थोक मूल्य निर्धारण गरेको छ। सार्वजनिक मूल्यसूचीअनुसार गोलभेँडा ठूलो (भारतीय) प्रतिकिलो ७० रुपैयाँ र सानो (लोकल) ४० रुपैयाँमा कारोबार भइरहेको छ। आलु रातो २६ रुपैयाँ र प्याज (भारतीय) ३८ रुपैयाँ प्रतिकिलो तोकिएको छ।
हरियो तरकारीतर्फ गाजर ५०–६० रुपैयाँ, बन्दा ३५–५० रुपैयाँ, काउली ३५–५० रुपैयाँ र भन्टा ५५ रुपैयाँ प्रतिकिलो कायम छ। घिउ सिमी १२०–१३० रुपैयाँ, करेला १८० रुपैयाँ, घिरौँला १४० रुपैयाँ तथा भिन्डी १५० रुपैयाँ प्रतिकिलोमा बिक्री भइरहेको छ।
सागसब्जीतर्फ रायो २५, पालुङ्गो ३५ र मेथी ४० रुपैयाँ प्रतिकिलो तोकिएको छ। च्याउमध्ये कन्य च्याउ १३० रुपैयाँ, डल्ले च्याउ ४५० रुपैयाँ र सिताके च्याउ १,००० रुपैयाँ प्रतिकिलो पुगेको छ। गुन्द्रुकको मूल्य प्रतिकिलो ३०० रुपैयाँ निर्धारण गरिएको छ।
फलफूलतर्फ स्याउ (फुजी) ३०० रुपैयाँ, केरा (दर्जन) १९० रुपैयाँ, अनार ३३० रुपैयाँ र अङ्गुर (कालो) ४०० रुपैयाँ प्रतिकिलो कायम छ। किबी २६० रुपैयाँ र एभोकाडो ३५० रुपैयाँ प्रतिकिलो तोकिएको छ।
मसला तथा अन्य वस्तुतर्फ अदुवा १२० रुपैयाँ, हरियो खुर्सानी २०० रुपैयाँ, अकबरे खुर्सानी ९०० रुपैयाँ र लसुन (नेपाली) २०० रुपैयाँ प्रतिकिलोमा निर्धारण गरिएको समितिले जनाएको छ।
तपाईको प्रतिक्रिया दिनुहोस्