पुलिसलाई मदन भण्डारी कपको उपाधि

बुटवल । नेपाल पुलिस क्लबले दोस्रो मदन भण्डारी कप पुरुष भलिबल प्रतियोगिताको उपाधि जितेको छ।

हिजो शनिबार भएको फाइनलमा पुलिसले सभापोखरी भलिबल क्लब संखुवासभालाई ३–० को सोझो सेटमा हरायो। पुलिसले २५–२३, २५–२३ र २५–२२ को जित निकालेको हो।

• 

उपाधिसँगै पुलिसले ७ लाख रुपैयाँ प्राप्त गर्दा सभापोखरीले ३ लाख ५० हजार रुपैयाँ पाएको छ। पुलिसका पहल गहतराज सर्वोत्कृष्ट खेलाडी घोषित भए।