लुम्बिनीमा शान्तिको कामना गर्दै विशेष प्रार्थना सभा आयोजना

काठमाडौं । पछिल्लो परिस्थितिप्रति चिन्ता व्यक्त गर्दै सामाजिक सद्‌भाव, सहिष्णुता र आपसी एकताको सन्देश दिन लुम्बिनीमा विशेष शान्ति प्रार्थना कार्यक्रम आयोजना गरिएको छ।

संस्कृति, पर्यटन तथा नागरिक उड्डयन मन्त्रालयका अनुसार कार्यक्रममा सामाजिक सद्‌भावविरुद्धका गतिविधिमा ज्यान गुमाएका व्यक्तिप्रति श्रद्धाञ्जली अर्पण गरिएको थियो।

• 

बुद्ध जन्मस्थल लुम्बिनीमा आयोजित प्रार्थना सभामा गुरु–गुरुमा, नागरिक समाजका प्रतिनिधिलगायतको सहभागिता रहेको थियो। सहभागीहरूले देशमा शान्ति, अमनचयन र भाइचारा कायम रहोस् भन्ने कामना गर्दै दीप प्रज्वलन तथा पाठ–पूजा गरेका थिए।

मन्त्रालयले सामाजिक सद्‌भाव र शान्ति कायम राख्न सबै नागरिकलाई एकताबद्ध भएर अघि बढ्न आग्रह गरेको छ।