निर्वाचनभन्दा सिद्धान्तलाई प्राथमिकता दिन थापाको जोड

काठमाडौं:नेपाली कांग्रेसका सभापति गगन थापाले पार्टी अत्यधिक निर्वाचन केन्द्रित बन्दै गएको भन्दै अब जनतामुखी राजनीतिमा फर्किनुपर्ने बताएका छन्।

काठमाडौंमा आयोजित कार्यक्रममा उनले नेता–कार्यकर्तालाई सामाजिक सञ्जाल र चुनावी गणनाभन्दा बाहिर निस्केर जनजीवनसँग जोडिन आग्रह गरे। चुनाव जित्ने वा हार्नेभन्दा पार्टीको विचार, आस्था र सिद्धान्तलाई जोगाउनु नै कांग्रेसको मूल जिम्मेवारी भएको उनको भनाइ थियो।

• 

थापाले एक निर्वाचनको परिणामले कांग्रेसको मार्ग परिवर्तन नहुने स्पष्ट गर्दै बीपी कोइरालाको आदर्शअनुसार जनताको सेवामा समर्पित भएर अघि बढ्न सबैलाई आह्वान गरे।