लुम्बिनीमा एमालेका ४ मन्त्रीको राजीनामा

घोराही : लुम्बिनी प्रदेश सरकारमा रहेका नेपाल कम्युनिष्ट पार्टी (एमाले)का चार मन्त्रीले सामूहिक रूपमा राजीनामा दिएका छन्।

भौतिक पूर्वाधार विकासमन्त्री भूमिश्वर ढकालका अनुसार मन्त्रीहरूले मुख्यमन्त्री चेतनारायण आचार्यसमक्ष राजीनामा बुझाएका हुन्।

• 

राजीनामा दिनेमा ढकालसहित सिँचाइमन्त्री सीता चौधरी, भूमि व्यवस्था तथा कृषि मन्त्री दिनेश पन्ती र स्वास्थ्यमन्त्री खेम सारु रहेका छन्।

प्रदेश मन्त्रिपरिषद्मा रहेका पाँच एमाले मन्त्रीमध्ये चार जनाले एकैपटक राजीनामा दिएका हुन्।