जिप दुर्घटना: दुई वर्षीया बालिकाको मृत्यु, आठ जना घाइते

१४ असोज, धनगढी । कञ्चनपुरको बेदकोट नगरपालिका–३ सिउडीबागस्थित दैजी–जोगबुढा सडक खण्डमा बोलेरो जिप दुर्घटना हुँदा दुई वर्षीया युविका पालको मृत्यु भएको छ।

उनी उपचारका क्रममा महाकाली प्रादेशिक अस्पतालमा निधन भएकी हुन्।

• 

दुर्घटनामा बालिकाका आमा, दाजु सहित आठ जना घाइते भएका छन्, जसमा तीन जनाको अवस्था गम्भीर छ।

घाइतेहरूको महाकाली प्रादेशिक अस्पतालमा उपचार भइरहेको छ।