जेनजी आन्दोलनले ओली नेतृत्वको सरकार ढल्याे

काठमाडौँ । जेनजी आन्दोलनले केपी ओली नेतृत्वको सरकार ढलेको छ । सोमबार भ्रष्टाचार र बेथितिको विरोध तथा सामाजिक सञ्जालमाथिको प्रतिबन्धविरुद्ध गरिएको प्रदर्शनका क्रममा १९ जनाको हत्या भएपछि मंगलबार सडकमा उत्रिएका जेनजीको आन्दोलन नियन्त्रणबाहिर पुगेपछि बाध्य भएर ओलीले राजीनामा दिएका हुन् ।

जेनजीको आन्दोलनका क्रममा संसद भवन, राष्ट्रपति कार्यालय, सर्वोच्च अदालत र सिंहदरबारमा समेत प्रदर्शनकारीले आगजनी गरेका छन् । यस्तै विभिन्न राजनीतिक दलको कार्यालय, नेताका घरहरू, प्रहरी चौकी समेत तोडफोड भएका छन् ।

• 

• 

• 

तोडफोडपछि वरिष्ठ चिकित्सक सन्दुक रुइत, काठमाडौँ महानगरपालिकाका मेयर बालेन शाह, उज्यालो नेपालका अभियन्ता कुलमान घिसिङसहित सेनाले समेत संयम अपनाउन अपिल गरेको छ ।