घरको चौथो तलाबाट हाम्फाल्दा नेवानिका पूर्वअध्यक्ष चतुर्वेदीको मृत्यु

काठमाडौं । नेपाल वायुसेवा निगमका पूर्वअध्यक्ष रामाज्ञाप्रसाद चतुर्वेदी मृत फेला परेका छन् ।

निर्माणधीन घरको चौथो तलाबाट हामफाल्दा उनको मृत्यु भएको प्रहरीले बताएको छ ।

उनी डिप्रेसनको समेत बिरामी रहेको पाइएको प्रहरीले बताएको छ। चतुर्वेदीले आत्महत्या गरेको हुनसक्ने प्रहरीले जनाएको छ।

चतुर्वेदी काठमाडौंको भत्केको पुल नजिकै बुलबुलेस्थित गौतम अग्रवालको निर्माणाधीन घरको चौथो तलाबाट बिहीबार बिहान ९ बजे खसेका थिए ।

सिसी टिभी फुटेजमा कैद भएको भिडियो अनुसार उनले घरको चार तलाबाट हामफालेको देखिएको छ। थप अनुसन्धान र पोष्टमार्टम रिपोर्टपछि आत्महत्या हो या होइन भन्न मिल्ने प्रहरीले जनाएको छ।

चतुर्वेदीकोको शव पोर्टमार्टका लागि टिचिङ अस्पताल लगिएको छ । घटनाको विषयमा थप अनुसन्धान भइरहेको महानगरीय प्रहरी परिसर काठमाडौंका एसएसपी अशोक सिंहले बताए ।

थप समाचारहरु

निर्माण हुँदै गरेको घरको दोस्रो तलाबाट खसेर मजदूरको मृत्यु मुलपानीमा घरको जग खन्दा ढिस्कोले पुरिएर एकको मृत्यु रवि लामिछानेका गाडी चालक घरको तीन तला माथिबाट खसेको अवस्थामा भेटिए, अवस्था गम्भिर भक्तपुरमा घरको पर्खाल भत्किएर एक जनाको मृत्यु धितोपत्र बोर्डका पूर्वअध्यक्ष ढुंगानाको मुद्दा हेर्न नमिल्नेमा बैतडीमा घरको छतमा ट्रयाक्टर खस्दा दुई बालिका घाइते