संसद बैठकको शुरूमै एमालेद्वारा नाराबाजी

काठमाडौं । प्रतिनिधिसभाको पहिलो बैठकमा प्रमुख विपक्षी दल नेकपा एमालेले सभामुख अग्नि सापकोटाको भूमिकालाई लिएर विरोध जनाएको छ ।

पार्टीले निष्कासन गरेका १४ सांसदलाई पदमुक्त नगरेको भन्दै संसद अधिवेशनको शुरुमै अवरोध गरेको छ ।

बैठकको सुरुमै नेकपा एमालेका प्रमुख सचेतक विशाल भट्टराईले सभामुखको कदमको विरोध गर्दै जवाफ दिन आग्रह गरे पनि सभाुमुखको जवाफमा चित्त नबुझी उनीहरुले संसद बैठकमै नाराबाजी गरेका थिए।

सभामुख सापकोटाले १५ मिनेटका लागि बैठक स्थगित गरेका छन्।

एमालेले भदौ १ गते माधव नेपालसहित १४ जना प्रतिनिधिसभा सदस्यलाई निष्कासन गरिएको सूचना संसद सचिवालयलाई दिएकोमा सभामुखले कानून बमोजिम सूचना टाँस नगरी एमाले विभाजनमा भूमिका खेलेको आरोप छ ।

थप समाचारहरु

निर्वाचन आयोग पुग्यो एमाले, १४ जनाको हस्ताक्षरलाई मान्यता नदिन दबाब एमालेले आजको संसद अवरोध गर्ने धर्ना बसेका एमाले नेताहरुलाई सभामुखको फोन ‘म कार्यालय आउँदिन’ विपक्षी दलको अवरोधपछि लुम्बिनी प्रदेशसभा बैठक स्थगित एमालेको अवरोधका कारण २२ गतेसम्मलाई प्रतिनिधिसभा बैठक स्थगित नेकपा एमालेद्वारा संसद भवनमा स्व सुबास नेम्वाङलाई श्रद्धाञ्जली अर्पण