१० महिनाको अवधिमा भित्रियो ८ खर्ब १० अर्ब रेमिट्यान्स

३१ जेठ, काठमाडौं । चालु आर्थिक वर्षको १० महिनामा नै ८ खर्बभन्दा बढी रेमिट्यान्स नेपाल भित्रिएकाे छ । नेपाल राष्ट्र बैंकले तयार गरेको मुलुकको आर्थिक तथा वित्तीय अवस्थाको प्रतिवेदनमा चालु आर्थिक वर्षको वैशाख मसान्तसम्म ८ खर्ब ९ अर्ब ८९ करोड रेमिट्यान्स आएको उल्लेखित छ ।

गत आर्थिक वर्षको यही अवधिमा ६ खर्ब ८० अर्ब ८४ करोड रेमिट्यान्स आएको थियो भने यो आर्थिक वर्षको सोही अवधिको तुलनामा १९.२ प्रतिशतले बढी आएको छ।

• 

• 

• 

कोभिडको प्रभावबीच पनि नेपालीको प्रमुख रोजगार गन्तव्यहरुको कोभिडलाई नियन्त्रण गर्दै आर्थिक गतविधि चलायमान बनाउने सफल भएको र गैरआवाशीय नेपालीले पनि कोभिडले गर्दा समस्यामा परेका आफन्तलाई रकम पठाउँदा रेमिट्यान्स बढेको राष्ट्र बैंकका अधिकारीहरु बताउँछन् ।

त्यस्तै अहिले वैदेशिक रोजगारीमा गएकालाई जिन्सी सामान ल्याउन कडाई भएको छ भने कोभिडपछि वैदेशिक व्यापारमा प्रयोग हुने हुन्डी पनि बैंकिङ प्रणालीमार्फत आउन लागेको पनि रेमिट्यान्स बढेको जानकारहरु बताउँछन् ।