कोरोना अपडेट ; थप ६६५३ जनामा कोरोना संक्रमण, १०१ संक्रमितको मृत्यु

२१ जेठ, काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ६६५३ जनामा कोरोना भाइरस संक्रमण पुष्टि भएको छ भने १०१ जना संक्रमितको मृत्यु भएको छ।

आज गरिएको १४ हजार १८२ पीसीआर परीक्षणमा ४६२४ र ६६३१ एन्टिजेन परीक्षणमा २०२९ गरी ६६५३ जनामा संक्रमण पुष्टि भएको हो ।

पछिल्लो २४ घण्टामा देशभर ८६६३ जना निको भएका छन् । यो सङ्गै निको हुनेको कुल संख्या ४ लाख ७६ हजार १३० जना पुगेको छ ।