खोटाङमा दर्शनार्थी बोकेको बस दुर्घटना

खोटाङ : खोटाङमा दर्शनार्थी बोकेको बस दुर्घटना हुँदा एक जनाको मृत्यु भएको छ र अन्य २२ जना यात्रुहरु घाइते भएका छन् । मृत्यु हुने ब्यक्ति सिन्धुपाल्चोक घर भएका १८ वर्षीय सह–चालक अनिल तामाङ हुुन् । सप्तरीको कञ्चनरुप नगरपालिकाबाट हलेसी दर्शनका लागि आएको बा३ख ९२८५ नम्बरको बस शनिबार बिहान दुर्घट्ना हुँदा उनको घट्नास्थलमै मृत्यु भएको हो।

हलेसी तुवाचुङ नगरपालिका–७ महादेवस्थानमा रहेको हलेसी दर्शन गरेर फर्कनेक्रममा दर्शनार्थी बोकेको बस हलेसी तुवाचुङ नगरपालिका–१ बाहुनीडाँडाको कदुवास्थित राँगाकाटेभिरमा दुर्घटनाग्रस्त भएको थियो । सडकको घुम्ती पुग्न लाग्दा पल्टिएको बस अन्दाजी २० मिटर तल सडकमै अड्किएको थियो ।   

त्यसमध्ये ९ जना गम्भीर घाइते भएका छन् । कतिपय घााइतेेहरूको बाहुनीडाँडा स्वास्थ्यचौकी र च्यास्मीटारका स्वास्थ्यकर्मीले प्राथमिक उपचार गरेको जानकारी प्राप्त भएको छ। त्यस्तै बसमा चालक र सह–चालकसहित ३५ जना सवार रहेका थिए।  घाइतेलाई उपचारका लागि उदयपुरको कटारी पठाइएको हलेसी तुवाचुङ नगरपालिकाका मेयर इवन राईले जानकारी दिनुभयो ।

थप समाचारहरु

खोटाङमा माइक्रोबस दुर्घटना हुँदा एक तीर्थयात्री मृत्यु, ६ जनाको अवस्था गम्भीर खोटाङमा कुटपिटबाट १ यवकको मृत्यु ,पाँच जना नियन्त्रणमा पोस्टमार्टमका लागि शव बोकेको जिप दुर्घटना, ४ जनाको घटनास्थलमै मृत्यु म्याग्दीमा बिरामी बोकेको जिप दुर्घटना, एकको मृत्यु, चार घाइते थुलुङ दुधकोशीमा सिमेन्ट बोकेको ट्रिपर दुर्घटना, तीन जना घाइते जन्ती बोकेको सवारी दुर्घटना हुँदा दुई जनाको मृत्यु २४ घाइते