मदन भण्डारी कपको उपाधिका लागि पुलिस र सभापोखरी भिड्दै

बुटवल । दोस्रो संस्करणको मदन भण्डारी कप अन्तर्राष्ट्रिय आमन्त्रित रनिङ शिल्ड पुरुष भलिबल प्रतियोगिताको उपाधिका लागि आज नेपाल पुलिस क्लब र सभापोखरी स्पोर्ट्स क्लब आमनेसामने हुँदैछन्।

शुक्रबार सम्पन्न सेमिफाइनलमा पुलिसले विभागीय प्रतिद्वन्द्वी एपीएफलाई ३–१ सेटले तथा सभापोखरीले भारतको खैरा क्लब पञ्जाबलाई समान ३–१ सेटमा हराउँदै फाइनल यात्रा तय गरेका थिए।

• 

प्रतियोगिताको विजेताले रनिङ शिल्डसहित ७ लाख रुपैयाँ पुरस्कार पाउनेछ। उपविजेताले ३ लाख ५० हजार रुपैयाँ प्राप्त गर्ने आयोजकले जनाएको छ।