दाक्सु मिडिया
काठमाडौँ । सङ्घीय संसद्का प्रतिनिधिसभा र राष्ट्रियसभाको बैठक आज बस्दैछ। प्रतिनिधिसभाको बैठक दिउँसो १ बजे तथा राष्ट्रियसभाको बैठक १ः१५ बजे सिंहदरबारमा बस्ने कार्यतालिका रहेको छ।
प्रतिनिधिसभाको बैठकमा ‘खानी तथा खनिज पदार्थ विधेयक, २०८३’ माथि विचार गरियोस् भन्ने प्रस्ताव निर्णयार्थ प्रस्तुत हुने सम्भावित कार्यसूची रहेको छ।
बैठकमा महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षामन्त्री सीता बादीले ‘बालबालिकासम्बन्धी (पहिलो संशोधन) विधेयक, २०८३’ प्रस्तुत गर्नेछिन्। साथै, ‘मानव बेचबिखन तथा ओसारपसार (नियन्त्रण) (पहिलो संशोधन) विधेयक, २०८३’ माथि विचार गरियोस् भन्ने प्रस्ताव पनि पेस गरिनेछ।
त्यस्तै, परराष्ट्रमन्त्री शिशिर खनालले ‘राहदानी (पहिलो संशोधन) विधेयक, २०८३’ माथि विचार गरियोस् भन्ने प्रस्ताव प्रस्तुत गर्ने कार्यसूची छ।
उता राष्ट्रियसभाको बैठकमा कृषि, वन तथा पर्यावरणमन्त्री गिता चौधरीले ‘सङ्क्रामक पशु रोग (नियन्त्रण) विधेयक, २०८३’ लाई दफावार छलफलका लागि विधायन व्यवस्थापन समितिमा पठाइयोस् भन्ने प्रस्ताव प्रस्तुत गर्ने कार्यक्रम रहेको छ।
आजका बैठकमा विभिन्न विधेयक अघि बढाउने तथा आवश्यक प्रक्रियामा लैजाने विषयमा छलफल हुने भएकाले संसद्का दुवै सदनको बैठकलाई महत्त्वपूर्ण रूपमा हेरिएको छ।
थप समाचारहरु
संसद्का दुवै सदनमा आजदेखि ‘प्रि–बजेट’ छलफल सुरु हुँदै
आज संसद्मा व्यस्त एजेन्डा, महत्वपूर्ण विधेयकमाथि छलफल हुने
आज प्रतिनिधिसभा बैठक बस्दै, यस्तो छ सम्भावित कार्यसूची
सङ्घीय संसद् अन्तर्गत दुवै सदनको बैठक बस्दै
प्रतिनिधिसभाको बैठक बस्दै, यस्तो छ कार्यसूची
आज प्रतिनिधिसभामा पाँच विधेयक दर्ता र आर्थिक विधेयकमाथि निर्णय हुने
तपाईको प्रतिक्रिया दिनुहोस्