बीपी स्मृति दिवसमा कांग्रेसको जलवायु सचेतना अभियान

काठमाडौं: नेपाली कांग्रेसले बीपी कोइरालाको ४४औँ स्मृति दिवसको अवसरमा जलवायु परिवर्तनबारे जनचेतना फैलाउने उद्देश्यले विविध कार्यक्रम आयोजना गर्ने भएको छ।

६ साउनमा ‘जलवायु जनचेतना जगाऔँ’ भन्ने नारासहित ललितपुरको यूएन पार्कदेखि जावलाखेलसम्म ५ किलोमिटर दौड सञ्चालन गरिनेछ। त्यसपछि जावलाखेलमा जलवायु परिवर्तनका चुनौती र समाधानबारे छलफल कार्यक्रम हुनेछ। साथै, कार्यक्रममा जलवायुका विषयलाई समेटेर कलाकारहरूले प्रत्यक्ष चित्रकला प्रदर्शन पनि गर्नेछन्।

• 

कांग्रेसले यी कार्यक्रममार्फत वातावरण संरक्षणप्रति नागरिकको सहभागिता बढाउने अपेक्षा गरेको छ।