अब सवारी लाइसेन्स सेवा घरबाटै, अनलाइन प्रणाली सुरु हुँदै

काठमाडौं । यातायात व्यवस्था विभागले चालक अनुमतिपत्र (ड्राइभिङ लाइसेन्स) को आवेदन, नवीकरण र राजस्व भुक्तानी प्रक्रिया अनलाइनमार्फत उपलब्ध गराउने भएको छ।

आगामी साउन १ गतेदेखि लागू हुने नयाँ व्यवस्थाअनुसार सेवाग्राहीले राष्ट्रिय परिचयपत्र वा नागरिक एपको क्युआर प्रणाली प्रयोग गरी फारम भर्न सक्नेछन्। साथै, लाइसेन्ससम्बन्धी शुल्क पनि डिजिटल माध्यमबाटै तिर्न सकिने व्यवस्था गरिएको छ।

• 

विभागले सेवा प्रवाहमा देखिएका समस्या र गुनासो सम्बोधनका लागि सातै प्रदेशका कार्यालयमार्फत सम्पर्क सुविधा उपलब्ध गराउने जनाएको छ।