नक्कली शरणार्थी प्रकरण : रायमाझी दोषी, चार वर्ष कैद

काठमाडौं : काठमाडौं जिल्ला अदालतले नक्कली भुटानी शरणार्थी प्रकरणमा पूर्वउपप्रधानमन्त्री तथा नेकपा (एमाले) का नेता टोपबहादुर रायमाझीलाई दोषी ठहर गर्दै चार वर्ष कैद र ४० हजार रुपैयाँ जरिवानाको फैसला गरेको छ।

न्यायाधीश तेजबहादुर खड्काको इजलासले रायमाझीलाई राज्यविरुद्धको कसुरसहित तीन वटा अपराधमा दोषी ठहर गरेको हो।

• 

• 

अदालतका अनुसार नेपाली नागरिकलाई नक्कली भुटानी शरणार्थीका रूपमा प्रस्तुत गर्ने कार्यले नेपालको अन्तर्राष्ट्रिय छवि र विश्वसनीयतामा गम्भीर असर पुगेको छ। संयुक्त राष्ट्रसंघ तथा तेस्रो मुलुकसँग नेपालको विश्वासमा आँच पुगेकाले उक्त कार्य राज्यविरुद्धको अपराधअन्तर्गत पर्ने अदालतले ठहर गरेको छ।