होर्मुज नजिक तेल बोकेको जहाजमा प्रहार, आगलागी भए पनि मानवीय क्षति भएन

काठमाडौं, असार २३ । विश्वकै व्यस्त समुद्री मार्गमध्ये एक होर्मुज जलमार्ग नजिक तेल ट्यांकरमाथि अज्ञात वस्तु प्रहार हुँदा आगलागी भएको छ।

बेलायती समुद्री सुरक्षा निकाय यूके म्यारिटाइम ट्रेड अपरेसन्स (यूकेएमटीओ)का अनुसार दक्षिणतर्फ गइरहेको ट्यांकरको एक भागमा प्रहार भएपछि आगो लागेको थियो। यद्यपि, घटनामा कुनै मानवीय क्षति नभएको जनाइएको छ।

• 

साथै, समुद्रमा तेल चुहावट वा वातावरणीय असरसम्बन्धी कुनै सूचना प्राप्त नभएको बताइएको छ। घटनाको कारण र प्रहारको स्रोतबारे सम्बन्धित निकायहरूले अनुसन्धान अघि बढाएका छन्।