रुसी हवाई प्रहारमा युक्रेनका दुई क्षेत्रमा मानवीय क्षति

कीभ, असार ७ — पूर्वी युक्रेनका डिनिप्रोपेट्रोभ्स्क र पोल्टाभा क्षेत्रमा भएको रुसी आक्रमणमा कम्तीमा तीन जनाले ज्यान गुमाएका छन् भने २२ जना घाइते भएका छन्।

स्थानीय अधिकारीका अनुसार डिनिप्रोपेट्रोभ्स्क क्षेत्रमा एक वृद्ध महिलाको मृत्यु भएको छ भने अन्य नौ जना घाइते भएका छन्। यस्तै, पोल्टाभा क्षेत्रमा भएको अर्को आक्रमणमा दुई जनाको मृत्यु हुनुका साथै १३ जना घाइते भएका छन्, जसमा बालबालिका पनि समावेश छन्।

• 

यता, रुसी रक्षा मन्त्रालयले रातभर युक्रेनले प्रहार गरेका २३९ ड्रोन निष्क्रिय पारिएको दाबी गरेको छ। दुवै पक्षबीच आक्रमण तीव्र बन्दै गए पनि युद्ध अन्त्यका कूटनीतिक प्रयासले भने उल्लेखनीय प्रगति हासिल गर्न सकेका छैनन्।