ठमेलमा पाँच विदेशी महिला प्रहरी नियन्त्रणमा

काठमाडौँ — पर्यटकीय क्षेत्र ठमेलमा सार्वजनिक स्थानमा अनुचित गतिविधिमा संलग्न रहेको आरोपमा पाँच विदेशी महिलालाई प्रहरीले नियन्त्रणमा लिएको छ।

प्रहरीका अनुसार पक्राउ पर्नेमा युगान्डाका चार र इन्डोनेसियाकी एक महिला छन्। उनीहरूलाई सडकमा हिँडिरहेका स्वदेशी तथा विदेशी पर्यटकलाई अनावश्यक रूपमा रोक्दै हैरानी दिएको आरोपमा नियन्त्रणमा लिइएको हो।

• 

• 

प्रहरीले नियन्त्रणका क्रममा उनीहरूले प्रहरीसँग पनि अभद्र व्यवहार गरेको जनाएको छ। घटनाबारे थप अनुसन्धान जारी रहेको जिल्ला प्रहरी परिसर काठमाडौँले जानकारी दिएको छ।