परोपकार घाटमा अभद्र गतिविधि, चार जना नियन्त्रणमा

विराटनगर, असार १० — विराटनगर–१ स्थित परोपकार घाटमा सार्वजनिक मर्यादा विपरीत गतिविधि गरेको आरोपमा प्रहरीले चार जनालाई नियन्त्रणमा लिएको छ।

मध्यरातमा घाट क्षेत्रमा हो–हल्ला र अनुचित व्यवहार भइरहेको सूचनापछि पुगेको प्रहरी टोलीले चार जनालाई घटनास्थलबाटै पक्राउ गरेको हो। पक्राउ परेकामाथि थप अनुसन्धान भइरहेको जिल्ला प्रहरी कार्यालय मोरङले जनाएको छ।

• 

• 

प्रहरीका अनुसार उक्त स्थल दाहसंस्कारका लागि प्रयोग हुने संवेदनशील सार्वजनिक क्षेत्र भएकाले घटनालाई गम्भीर रूपमा लिइएको छ।