मधेशमा संगठन सुदृढीकरणबारे रास्वपाको छलफल

काठमाडौँ, असार ३ — राष्ट्रिय स्वतन्त्र पार्टीका सभापति रवि लामिछानेले मधेश प्रदेशका सांसदहरूसँग पार्टीको संगठन विस्तार र प्रदेश अधिवेशनका विषयमा छलफल गरेका छन्।

सिंहदरबारस्थित संसदीय दलको कार्यालयमा भएको बैठकमा प्रदेशभित्रका गतिविधि प्रभावकारी बनाउने तथा संगठनलाई थप सक्रिय बनाउने उपायबारे विचार आदानप्रदान भएको जनाइएको छ।

• 

• 

• 

रास्वपाले मधेश प्रदेशमा अझै जिल्ला अधिवेशन सम्पन्न गर्न नसकेको अवस्थामा नेतृत्वले सांसदहरूबाट सुझाव संकलन गर्दै संगठनात्मक तयारीलाई तीव्रता दिने संकेत गरेको छ।