सिँचाइ पोखरीले फेरियो सिक्रेटारको कृषि अवस्था

भोजपुर । अरुण गाउँपालिका–७ सिक्रेटारमा निर्माण गरिएका सिँचाइ पोखरीले सुख्खाग्रस्त क्षेत्रमा कृषि उत्पादन बढाउन सहयोग पुर्‍याएको छ।

स्थानीय तहका अनुसार हालसम्म निर्माण भएका छ वटा पोखरीबाट करिब १,५०० रोपनी जमिनमा सिँचाइ सुविधा पुगेको छ। पानीको अभावले बाँझो रहने खेतमा अहिले वर्षभरि खेती गर्न सकिने अवस्था बनेको छ।

• 

• 

पोखरी निर्माणपछि किसानहरू तरकारी, फलफूल तथा अन्य नगदेबाली खेतीतर्फ आकर्षित भएका छन्। यसले कृषि उत्पादनसँगै आयआर्जन बढाउन समेत टेवा पुगेको स्थानीयको भनाइ छ।