गणतन्त्र राष्ट्रिय एकताको आधार हो : राष्ट्रपति पौडेल

काठमाडौँ — राष्ट्रपति रामचन्द्र पौडेलले गणतन्त्रलाई राष्ट्र निर्माणको महान् प्रेरणा र अभिभारा भएको बताएका छन्।

१९औँ गणतन्त्र दिवसका अवसरमा सैनिकमञ्च टुँडिखेलमा आयोजित समारोहलाई सम्बोधन गर्दै उनले गणतन्त्रले सम्पूर्ण राजनीतिक अधिकार सुनिश्चित गर्दै देशलाई एकताबद्ध रूपमा अघि बढाउने अवसर दिएको उल्लेख गरे।

• 

उनका अनुसार गणतन्त्रले नागरिकबीच एकता बढाउँदै साझा राष्ट्र निर्माण र समुन्नत भविष्यतर्फ अघि बढ्न प्रेरित गरेको छ।