दाक्सु मिडिया
२०८२ पुष ४
कञ्चनपुर — सुदूरपश्चिम प्रदेशमा ऐतिहासिक र सांस्कृतिक पर्व भुवा आज मनाइँदैछ। यस अवसरमा सबै सरकारी कार्यालय र सार्वजनिक निकायमा सार्वजनिक बिदा दिइएको छ।
बाजुरा, बझाङ र अछाममा मुख्य रूपमा मनाइने यो पर्व महाभारतकालीन पाण्डव–कौरव युद्धको विजय सम्झाउँदै वीरता र साहसको प्रतीक मानिन्छ। पछिल्ला वर्षहरूमा तराईका सहरहरूमा पनि भुवा नाच र देउडा खेलको आयोजना हुँदै आएको छ।
पुस कृष्ण औँसीको अघिल्लो दिनदेखि सुरु हुने पर्व तीन–पाँच दिनसम्म चल्छ। पुरुषहरूले परम्परागत लुगा लगाएर तरबार र ढालसहित युद्धकला प्रदर्शन गर्छन्। गाउँलेहरू राति आगो बालेर जाग्राम बस्ने र पौराणिक कथाहरू सुनाउने परम्परा पनि छ।
प्रदेश सरकारले स्थानीय कला, संस्कृति र परम्पराको जगेर्ना गर्ने उद्देश्यले हरेक वर्ष सार्वजनिक बिदा घोषणा गर्दै आएको छ।
तपाईको प्रतिक्रिया दिनुहोस्