धवलागिरिमा १२९ योजना कार्यान्वयनमा

म्याग्दी: धवलागिरि गाउँपालिकाले चालु आर्थिक वर्षमा १२९ वटा योजना र कार्यक्रम अघि बढाउने निर्णय गरेको छ। यसका लागि कुल रु १५ करोड ९४ लाख १६ हजार बजेट छुट्याइएको छ।

ठूला योजना ठेक्का मार्फत र साना योजना उपभोक्ता समितिले कार्यान्वयन गर्ने नीति लिइएको छ। यस वर्ष प्रमुख प्राथमिकतामा प्रशासकीय भवन, वडा कार्यालय र अस्पताल भवन निर्माण, सडक सञ्जाल विस्तार, जलजला पर्यटन महोत्सव, स्थानीय मदिरा ब्राण्डिङ र युवालाई सहुलियतपूर्ण कर्जा प्रदान गर्ने कार्यक्रम राखिएको छ।

• 

योजना सम्झौता मंसिरभित्र सम्पन्न गरी चैतसम्म अन्तिम भुक्तानी गर्ने लक्ष्य रहेको प्रमुख प्रशासकीय अधिकृत बिष्णुप्रसाद शर्माले जानकारी दिएका छन्।