रक्षा बमको आलोचना : प्रधानमन्त्रीका प्रमुख स्वकीय सचिवद्वारा पारिवारिक नियुक्ति खारेज गरियोस्

काठमाडौं – जेनजी अभियन्ता रक्षा बमले नागरिक सरकारमा नातावाद र कृपावाद बढेको आरोप लगाउँदै प्रधानमन्त्रीका प्रमुख स्वकीय सचिव आदर्श कुमार श्रेष्ठको पदमुक्ति र पारिवारिक नियुक्ति तुरुन्त खारेज गर्न सरकारसँग माग गरेकी छन्।

सामाजिक सञ्जालमा लेख्दै उनले भनेकी छन् कि जेनजी विद्रोहको मूल उद्देश्य मात्र भ्रष्टाचारविरुद्ध होइन, नैतिक भ्रष्टाचार, नातावाद र कृपावादविरुद्ध पनि थियो। तर प्रधानमन्त्रीका प्रमुख स्वकीय सचिवले आफ्नी श्रीमतीसहित अन्य नातेदारलाई नियुक्ति गरेर नैतिक भ्रष्टाचार गरेका आरोप उनमाथि लागेको छ।

• 

• 

रक्षा बमले नागरिक सरकारलाई चेतावनी दिँदै भनेकी छन् कि संवेदनशील समयमा बनेको सरकार व्यक्तिगत स्वार्थमा नफसून् र पारदर्शिता तथा जवाफदेहिता कायम रहोस्।

प्रधानमन्त्री सुशीला कार्कीका प्रमुख स्वकीय सचिव आदर्श कुमार श्रेष्ठले गत असोज २ गते आफ्नी पत्नी संगीता श्रेष्ठलाई स्वकीय सहसचिव पदमा नियुक्त गरेका थिए। सोही दिन उनले अन्य नातेदार कमला श्रेष्ठ, पुनम श्रेष्ठ र रविना श्रेष्ठलाई पनि प्रशासन सहायकमा नियुक्त गरेका थिए।