फरार २ कैदीसहित ११ प्रतिवादी पक्राउ

रौतहट ।  रौतहट प्रहरीले विभिन्न आपराधिक घटनामा संलग्न ११ जनालाई पक्राउ गरेको छ।

पक्राउ परेकामध्ये दुई जना गत भदौ २४ गते गौर कारागारबाट भागेका कैदी हुन्।

• 

• 

उनीहरू कर्तव्य ज्यान र जबरजस्ती करणी मुद्दाका थिए।

त्यसैगरी, चेक बाउन्स, कुटपिट, आगजनी र लुटपाट लगायतका मुद्दामा फरार रहेका अन्य नौ प्रतिवादी पनि पक्राउ परेका छन्। सबैलाई आवश्यक कानुनी प्रक्रिया पूरा गर्न अदालतमा पेश गरिएको जिल्ला प्रहरी कार्यालय रौतहटले जनाएको छ।