सरकारको भुक्तानी र राजस्व प्रणाली पुनः सुचारु

सरकारको भुक्तानी प्रणाली आजदेखि पुनः सञ्चालनमा आएको छ।

अर्थ मन्त्रालयका प्रवक्ता टंकप्रसाद पाण्डेयका अनुसार कर्मचारीको तलब-भत्ता लगायत अनिवार्य दायित्वहरूको भुक्तानी सुरु भइसकेको छ। राजस्व संकलन पनि पुनः सुरु भइसकेको छ भने अधिकांश भन्सार र आन्तरिक राजस्व कार्यालय सञ्चालनमा आएका छन्।

• 

• 

केही कार्यालयमा आंशिक वा पूर्ण क्षति भए पनि सेवा बहाली भइरहेको छ। पूँजीगत खर्च कम भएकाले अहिले चालु खर्चलाई प्राथमिकता दिइएको छ।

सरकारको भुक्तानी सुचारु भएसँगै सरकारको ढुकुटीबाट तलब-भत्ता पाउने सबै कर्मचारीले दशैं अगाडि नै तलब-भत्ता पाउने भएका छन् ।