जेनजी आन्दोलनमा १४ राजस्व र ५ भन्सार कार्यालय ध्वस्त, सेवा अनलाइनमार्फत जारी

जेनजी आन्दोलनका क्रममा अर्थ मन्त्रालयअन्तर्गतका १४ आन्तरिक राजस्व कार्यालय र ५ भन्सार कार्यालय पूर्ण रूपमा जलेर नष्ट भएका छन्। थप ८ कार्यालयमा आंशिक क्षति पुगेको छ।

पूर्णरूपमा क्षति पुगेका आन्तरिक राजस्व कार्यालयहरूमा दमक, इटहरी, विराटनगर, लहान, जनकपुर, सिमरा, हेटौंडा, वीरगञ्ज, बुटवल, भैरहवा, नेपालगञ्ज, दाङ, धनगढी, डडेलधुरा र पोखरा समावेश छन्। त्यस्तै, कृष्णनगर, धुलिखेल, इलाम र सिन्धुलीमा रहेको कार्यालयमा आंशिक क्षति पुगेको छ।

भन्सार कार्यालयतर्फ मेची, भद्रपुर, भैरहवा, कैलाली र जनकपुरका कार्यालय पूर्ण रूपमा नष्ट भएका छन् भने विराटनगर, नेपालगञ्ज, भैरहवा र ठाँडीका कार्यालयमा आंशिक क्षति पुगेको छ।

यद्यपि, अनलाइन प्रणाली सुरक्षित रहेकाले कर संकलन तथा भन्सार जाँचपास सेवा जारी रहेको मन्त्रालयले जनाएको छ।
काठमाडौंका केन्द्रिय कार्यालयहरू भने सुरक्षित छन्।

थप समाचारहरु

छोटी भन्सार पुनःस्थापना नहुँदा राजस्व सङ्कलन न्यून त्रिभुवन विमानस्थल भन्सार कार्यालय प्रमुखविहीन सिभिल अस्पतालको तथ्यांक: जेनजी आन्दोलनमा ४५६ भर्ना, ६ को मृत्यु, २३ को उपचार जारी यातायात व्यवस्था कार्यालय झापाले एघार महिनामा उठायो ८५ करोड बढी राजस्व भन्सार छलेर भित्रिएको टेम्पुमा भेटियो साढे ६ लाख रुपैयाँ बराबरको काजु बजेट निर्माण प्रक्रिया अन्तर्गत राजस्व परामर्श समितिले काम थाले