लाइसेन्स छपाइ र वितरण अनिश्चितकालका लागि स्थगित

काठमाडौं — भौतिक पूर्वाधार तथा यातायात मन्त्रालयअन्तर्गतको यातायात व्यवस्था विभागले सवारी चालक अनुमतिपत्र (लाइसेन्स) छपाइ तथा वितरण कार्य अर्को सूचना जारी नभएसम्मका लागि स्थगित गरेको छ।

विभागद्वारा जारी सूचनाअनुसार, भदौ २३ र २४ गते भएको विरोध प्रदर्शनका क्रममा विभागको भवनमा भएको तोडफोड, आगजनी तथा चोरीका कारण छपाइ मेसिन, इलेक्ट्रोनिक उपकरणहरू र सर्भरमा गम्भीर क्षति पुगेको छ। यसले गर्दा विद्युतीय सवारी दर्ता प्रणालीसहित सूचना प्रविधिमा आधारित सबै सेवा पूर्ण रूपमा अवरुद्ध भएको जनाइएको छ।

• 

• 

विभागले परिस्थितिको मूल्याङ्कन भइरहेको जनाउँदै सेवा पुनः सुचारु हुने मिति थप सूचनामार्फत जानकारी गराइने उल्लेख गरेको छ।