दाक्सु मिडिया
काठमाण्डौँ । इरानका विदेशमन्त्री अब्बास अराघचीले पाकिस्तानको इस्लामावादमा भएको आफ्नो भ्रमण अत्यन्त फलदायी भएको बताएका छन् । आईआरएनएका अनुसार उनले त्यहाँ अमेरिकी–इरान वार्ता अघि बढ्न सक्ने विशेष अवस्थाबारे गहन छलफल भएको जानकारी दिएका छन् ।
इस्लामावादमा भएका भेटघाटमा विगतका घटनाहरूको समीक्षा गर्दै भविष्यमा वार्ता कसरी अगाडि बढ्न सक्छ भन्ने विषयमा राम्रो परामर्श भएको अराघचीले बताए । ओमान भ्रमणमा स्ट्रेट अफ होर्मुजबारे महत्त्वपूर्ण छलफल भएको समेत उनले बताए ।
उनका अनुसार इरान र ओमान दुवै उक्त स्ट्रेटको तटीय देश भएकाले आपसी समन्वय अत्यन्त आवश्यक छ । स्ट्रेट अफ होर्मुज भएर सुरक्षित आवागमन अहिले विश्वव्यापी महत्वको विषय बनेको अनि त्यसैले दुवै देशबिच निरन्तर संवाद आवश्यक रहेको उनले बताए ।
अराघची अनुसार इरान र ओमानबिच उच्च स्तरको सहमति कायम भएको छ र दुवै पक्षले प्राविधिक तहमा छलफल जारी राख्ने सहमति गरेका छन् ।
थप समाचारहरु
इरानसँगको वार्ता ‘फलदायी’ भएको ट्रम्पको दाबी
इरानका सर्वोच्च नेता खामेनीको मृत्यु भएको ट्रम्पको दाबी
‘नो केबलकार समूह’सँगको वार्ता विथोलियो, मन्त्रीस्तरीय टोलीसँग मात्रै वार्ता गर्ने
अमेरिका–इरानबीचको वार्ता फेरि रोकियो
अमेरिकासँग वार्ता नगर्ने इरानको घोषणा
सरकार र दुर्गा प्रसाईं समूहबीच सिंहदरबारमा वार्ता
तपाईको प्रतिक्रिया दिनुहोस्